ينجلي ليل وانا حبيت داجه في صباح هز غصن الياسميني لا انتشى صبح الغلا وارخى حجاجه ...ينمحي هم على صدر الحزيني ول ياليل الهجر ما اثقل مزاجه جعل مثله ما يعود ولا يجيني والنصيب اللي تعذرني رواجه هو سبب فرقاك يا حلم السنيني يا معودني بحبك واندماجه في عروقي في ضلوعي وسط عيني والكريم يصير ذله بانحراجه وانت حطمت الاماني في يديني في امان الله والدرب ازدواجه مفرق دروبه بقت له خطوتيني يمكن احنا عقب هذا ما نتواجه خل راحاتك توادع راحتيني كثر ما واجهت قلبي واحتجاجه كثر ما قدمت روحي في يميني كثر ما قتلت السعاده في ابتهاجه طعنتين و طعنتين و طعنتيني لين ما اخرجته مع عنق الزجاجه والتعب يكتب نزيفه في جبيني ما بقى لك في عذاب القلب حاجه خلني للريح واطلق ساعديني والعذاب اللي بنى بكفك سياجه هو سبايب ما حصل بينك وبيني انت متعدي الى حد السذاجه تخطي وترجع وترجع تنتخيني دام صار الحب في عينك سماجه شوف درب لا خذيته ما يجيني انت متعاوج و ودتك العواجه لين ضاعت من يدك احلى سنيني