يفوح بركان الغلا والصدر فاح ويضيق من ليل الجفا كون فسيح يا معود عيني على قل المراح ...ويميل غصنك ويتعلق به جريح وش فيك تاخذني على ريش وجناح وشلون اطيح فراق وانا ما اطيح طاح الظيا على جبينك واستراح والليل من بين الجدايل مستريح يعني جمعت الليل وانفاس الصباح حتى تجسد فيك معناه المليح الفرحه اللي كنها طعم النجاح يالمده اللي تجرح الكف الشحيح مفاتنك سحر لكن سحر مباح عليك اسمي من هل الوجه القبيح يااعذب من الما في مصبه يوم ساح يوم استبحت القلب وش له تستبيح اجتحتني واتقنت فن الاجتياح واتعبتني وانا سدودي ما تبيح متعود تترك على قلبي جراح ذباح روح وتمشي بدم الجريح اشوفك بعين الغلا والارتياح انسى الطعون اللي انا فيني فحيح استوعب اخطائك واطالبك السماح ويطغى على كيل الهجا كيل المديح لا لاح براقك وبرق الشعر لاح اصرخ من الاعماق واقول الصحيح انك مليح وتعتبر سيد الملاح تستقبلك افواه ويفيض المديح