ما على دبيّ زود وْلا عـلـيـها كـلام وْلا لها في جميع الكون شكْل وْمـثـيل ما يلام اللي يحبك يا دبي مــــا يـــلام ...يا ديار الأحبه. كل شي بـك جـمـيـــل يا سلامي على بوراشد. اجمل سلام جامعٍ في الفروسيّه. قـصـايد وخـيـل فذّ من مدرسة راشـد وزايـد. سْـنَــام يصنع المعجزه ويـطوّع المستحيـــل لفتته للصعود وخــطــوتــــه للأمــام نهج فكره منارة. جِيل من بعْد جِـيــل ما ينام و دبـي الـحـالِـمَـــه مـا تــنــام إلا وهـي الـرقم واحد مارضت بالبديل ويا سلامي عـلـى حمدان عالي المقام عاشق دبي لي ظلّه عـلـيـهـا ظــلــيـل حرٍ اشقر جناحه لـلـفـخــر يـوم حـــام تاجه الـمـجـد والـعـلـيـا لـدربــه دلـيـل فارسٍ يسبق الفرسان عند الـزحــــام وشاعرٍ كلمته غيمه وحرفه صهـيـــل بالجزيله كسا داره عـمَـل واهـتــمــام وانعم الله عليه بكلّ فـضــلٍ جــزيـــــل طيب قلبه و ذوقه فوق صدره وســام خاطرِه سَمْح وكْفوفه سحاب وْنـخـيـل للصغير اهتمام. ولـلـكـبـيـر احــتـرام فيه رَحمَه وعَطْف. وكل طبعه نِبـيـل زاده الـلـه مـحـمّـد مـثـل بــــدر التمام والثريّا تهنّي في قدومـه سـهــيـــــــل يا عسى الله يبارك فيه نسل الـكــــرام ويْتربّى بعزّه جِعْــل عـمــره طـويــــل فرحت دبي بقدومه وغنّى الـحــمــــام واستجابت لها الدنيا سلام وهـــديـــل شيخ من آل مكتوم الشيوخ الكرام لي لهم ع الوطن ضفوه وسابق جميل ما على دبيّ زود وْلا عليها كــــلام وْلا لها في جميع الكون شكْل وْمـثـيل ما يلام اللي حبك يـا دبــــي مــا يــلام يا ديار الأحبه. كل شي بــك جـمـيــل