يالبعيد إللّي هناك ويالقريب إللّي هنيّا يا هنيّا في الفواد ويالبعيد اللّي هناك إقرب إقرب يا غزامي كِل عرقٍ فيك حيّا ...عاش عيشة عِز في قربك وفِي بعدك هلاك ينتشي قلبي بشوفك ما تريّا ما تريّا أنا قلبي مات في بعدك وفِي اللِّقيا حياك إنت أشِّر يا مْحَلَف قلبي وتاخذني الحميّا دروب ا قصار دام إنّي على الدنيا معاك إنت في قلبي غلاتِك ولِك غلا فوق الثّريا ما وصل حدْ لغلاتك يا غلاي إلّا غلاك إنت أغلا شي عندي ولا أقارن فيك شيّا لنِّك أغلا مِـ العيون إللّي تناظر في حلاك ولا قسى وقتي بقربك لي مكان ولي مليّا يالوحيد إللّي بهالدِّنيا تقاسمني هناك ولا ظمى قلبي فلا غيرك نعم للقلب ريّا لن عشب القلب يزهِر لا امطِرت غيمة سماك أنا قلبي في غلاك وعن غلا الباقين عيّا لن قلبي عاش وتنفّس محبّه في هواك إنت من تقبل بليلي اللّيالي فيك ضيّا إنت يا فجر المحبّه ويا صباحي من ضِياك وأنا روضك وأنا قلبك إنت يا غالي عليّا ولا خِلق في قلب أصايل حد يوصل مستواك إنت إنطق قول هيّا قال قلبي معك هيّا مشكِله لو قلت لا يقول أنا قلبي معاك