كبدي اللي من عنا الفرقا مريضه لاثها الحزن وتواقد في طرفها ...لين ضاقت بي مساحات العريضه صرت ماعرفها وانا كنت اعرفها فاقد اللي حبها مثل الفريضه مرها حظي علئ الدرب وحرفها يا رعئ الله طرقيً يرثيه غيضه مابقئ له غير دمعه ما ذرفها لاح له برقً سرا يشعا وميضه ولا خذا اللي غترته يومي طرفها يشربه حزن الوداع ويستفيضه كل ونه من شكا اللوعه غرفها ما انهمر وصله ولا عقّب نفيضه والضما صرم عراويه وزرفها ياشتاء العشاق لاف الجوف قيضه أجدبت روح صرفها من صرفها العيوف اللي مجاذبها بهيضه جادلً من عودها يشكي ترفها من ربيع الذات واحساسه وفيضه غلطةً يؤجر عليها مقترفها سامح الله ياحياتي حلم هيضه حدرّ من البارحة سيل وجرفها