معي حزن ما أدري دمع يسقي حيام الطرش ولا واهني الداله مطول الغيبة أنا وين ما وردت ذودي تصدر عطش ...يعذربني اللي قد سترنا عذاريبه تماديت في رحلة هوى اللي هدبها عكش لا سجيت منه قام يرسل مناديبه يمرر ظلام الليل زولك ما بين الرمش وأغمض عليه من النسايم لا تقفي به أعيشك هيام وكل ذكرىً في صدري نقش وطاريك يشعل خافقي في محاديبه يذوب الزعل في صحوة قلوبنا بالخش مثل ما يذوب العمْر واحنا ما ندري به حبيبي لو إنك فوق جمر الغضى قلت إمش يطيعك حبيب يشوف عصيانك مصيبة عليك السلام وحط لك فوق قلبي عرش عروش الملوك إن ما طغت ما لها هيبة