على الذكرى نعيش اللي مضى في سالف الأيام نذكر بعضنا باللي حصل ياصاحبي فيها ...على ذكرى الرسايل والورق والحبر والأقلام قديم الوقت يالغالي يعلمنا معانيها تذكر واذكر اللي يوم شافك فز لك ثم قام عسى الأيام ترجعلك مثل ماضي لياليها تذكر نظرة العاشق من اسباب الهوى منظام عشقتك وانت ماتدري بحالي وش جرى فيها عشقت حروف وصفك حرف (ع) وحرف (س) و (ل) ورود الود لك ياناعم الخدين بهديها حكمت بحكمك القاسي على قلبي بحكم اعدام دخيلك لا تعذبني وروحي لا تعنيها اسير الحب انا والقلب صابه من غلاك هيام صدق من قال نار الحب تحرق رجل واطيها اشوف ان الجفا واقع واشوف ان اللقا احلام واشوف الغربه المره تناديني واناديها تعال نجدد الماضي نعوض فايت الايام نعيش احلامنا ياشوق حاضرها وماضيها