القيصر: التاريخ السري لفلاديمير بوتين
طاهر المعتز بالله
اتولد فلاديمير بوتين سنة 1952 في لينينغراد، المدينة التي دمرها حصار استمر ثلاث سنوات من النازيين خلال الحرب العالمية الثانية. حصار أدي لابادة جماعية، ووصف بأنه الحصار الأكثر تدميرًا في العالم. معظم السكان قتلوا، غير مليون شخص ماتوا بسبب الجوع بس. والده اللي كان جندي في الحرب وقتها اتصاب إصابات شديدة، ووالدته كانت هتموت من الجوع.
ورث بوتين من أهله الصدمة اللي اتعرض اليها في زمن الحرب، وعاش مع أسرته في شقة صغيرة مع عائلتين غيرهم، ومكنش عندهم مياه سخنة ولا دُش والتدفئة قليلة أو معدومة. دا غير إنه فقد شقيقيه الأكبر منه بسبب الحرب والمرض. كل التجارب دي خلته مقاتل شارع، شايف ان الدنيا ماشية بالذراع، والعالم لا يحترم إلا القوة.
فأصبح مقاتل مراوغ لا يمكن تتنبأ بتصرفاته، عنده قدرة مهولة لاستخدام المعلومات للتأثير والخداع.
إزاي قدر ضابط رتبته صغيرة إنه يرتقي لقمة الإمبراطورية الروسية؟ وليه شن الحرب على أوكرانيا؟ وإزاي رَجَّع المخابرات السوفيتية -التي تفككت بعد سقوط الشيوعية في التسعينيات- تحكم روسيا بقبضة من حديد؟!
الكتاب يحكي قصة أخطر رجل في العالم. رجل قراراته بتأثر علي مليارات البني أدمين، وقادرة على إشعال حرب عالمية ثالثة. الكتاب يحكي برضه قصة أكبر دولة في العالم. دولة مساحتها غطت سدس الكرة الأرضية، تاريخها مليء بحكايات العظماء من أول الاسكندر الأكبر لحد جنكيز خان ونابليون وأخيرا بوتين اللي قدر يغير مجرى التاريخ الأوروبي للأبد.
ياتري ليه غزا القرم اللي قضى فيها شهر العسل؟ وليه اتدخل في التصويت على خروج بريطانيا من الاتحاد الأوروبي والانتخابات الأمريكية؟ وإيه دور مدير حملة ترامب في صعود الثورة المضادة في أوكرانيا؟!