ما العمل في أيام الصيف لتفادي الحر من دون استعمال المكيف؟
لمعرفة المزيد استمعوا إلينا على موقع مونت كارلو الدولية والمنصات الرقمية ومنصات البودكاست
عالبساطة
كل عام في فصل الصيف نعاني من حرارة الجو ومن فاتورة الكهرباء بسبب استخدام مكيف الهواء.
لكن ما العمل في الحر؟ لا الجلسة مريحة ولا نوم بهنا.
الحل في منتهى البساطة ونبدأ من أول الكلام لما الأجداد أعلنوها صريحة "هما اللي خلفوك كانوا مولودين في المكيف؟"
لا طبعا، الناس في سالف العصر والأوان كانوا بيغلقوا النوافذ في النهار لمنع الحرارة والصهد من دخول البيت ويفتحوها بعد غروب الشمس للسماح بنسيم الليل يرطب الجو.
ده بالإضافة لعادات إحنا نسيناها مثل إطفاء الأضواء اللي بتسبب ارتفاع درجة الحرارة، وأيضا لبس كل ما هو طبيعي وخفيف مثل القطن والابتعاد عن الألياف الصناعية اللي ممكن تزيد من حرارة الجسم.
على اي حال الموضة في صالحكم لأن القطنيات وخصوصاً الخام عادت بقوه بموديلات أنيفه للرجال والنساء.
طالما تكلمنا عن المنسوجات ما ننساش ان الملاءات او الشراشف اللي هنام عليها في ليالي الصيف الحارة يفضل ان تكون قطن.
خلينا مكملين مع القطن، لأن قبل استخدام الألياف الصناعية في صناعة الوسائد كنا بنام على وسائد محشوه قطن لأن القطن بحافظ على درجة حرارة معتدلة فنومنا بيكون هادئ طوال الليل.
اكيد المنجد أو اللي بيضرب القطن هيفرح لو حرفته عادة للواجهة مره اخرى.
حل ثاني بسيط هو شرب المياه بشكل كافي عشان الجسم يفضل رطب.
الاستحمام المتكرر أيضا بيخفض حرارة الجسم.
ووضع وعاء في ثلج أمام مروحة بيوزع نسيم بخار الثلج عند ذوبانه.
في مروحة اخرى كنت هنسى كلمكم عنها، مروحة المطبخ والحمام ومهمة المراوح دي شفط وطرد الرطوبة والحرارة، ممكن الاستعانة بيهم في الايام الحر.