يمر الليل ويهب النسيم وتاخذني طواريك معه ...على الذكرى القديم ياقديم انا حالي براه اللي براه ورا الخافق لك سرا مقيم حفظته مثل حفظي للوصاه ياعنق الريم ياعين العديم ويامبدا القصيد ومنتهاه يابو خصرٍ نحيل مستقيم وردفٍ تشتكي منه العباه انا مشتاق والله العظيم وشوقي واصلن لجلك مداه ترى ما نديم الا النديم مصيره يذكره مهما نساه اشوفك نور فاليل العتيم واشوفك موت واشوفك حياه تعال وادو قلب مستهيم تعنا لك وخلاهم وراه انا في صوتك للمحبوح اهيم سقيم حال في صوتك دواه غدا قلبي من اسبابك هشيم يرد الصوت ويجاوب صداه تركت الناس واخترتك لزيم حرام يبيع قلبك من شراه قبل كنا على الدرب السليم وطير الحب يكفخ في سماه واثر مافيه شي يستديم مصير الوقت ياخذ ماعطاه زمانك صار للعاشق خصيم اذا حبيت لك شخص خذاه بدايات الهوا جنة نعيم وحب وشوق ووصل وغناه وتالتي غدت نار جحيم وراحت مثل مروح القطاه