ياناس راعي المحبه لا تعذلونه ماهوب عن صاحبه داله ولا سالى ...لو يسهر الليل كله لا تلومونه الـــــحب بلوى ماني بأول ولا تالى لي صاحبن ماقطعت الياس من دونه لو غاب عني خياله بس يبرالى الصاحب اللى سحر هاروت بعيونه ودي بوصله ولكن ما تهيالى يا هايف الخصر عيني فيك مفتونه والبعد ياصاحبي ما يرخص الغالى مايجرح القلب كود أفراق مضنونه ابطيت ماأرسلت لي يازين مرسالى اجر صوتن جميع الناس يوحونه غديت كني المصيح بالخلا الخالى