اخذيني من الهموم اللي تصاليني خليني اعيش روحاتك وجيّاتك اموت بك مدري انتي ميته فيني ...متعلقٍ بين بسماتك ونظراتك لو قلت أحبك كلام وما يعنِّيني من قال كثر الكلام بينقض شتاتك غلاك فوق الكلام يبان في عيني بتشوف شي بعيوني فوق هقواتك يفداك قلبي وتفدا راسك سنيني يامشغل الفكر كن اوقاتي اوقاتك فيني للأشواق موطا في شراييني تستاهلين الغلا من طيبك وذاتك لو تطلب الحاجة اللي بين كفيني ما قلتلك لا وربي فدوتك جاتك قلبي وضاري على الصولات من حيني إلين شافك ووقع في محطاتك عن حب هالناس حبك بس يكفيني يا مالي العين من طيبك ووقفاتك لا تشتتيني بزين الحكي واعطيني بعض الثواني أتوه بسحر كلماتك من بين كل البشر شوفك يهدّيني لا صرت ماني بخير امشي مسافاتك يا ويل حالي وانا اللي الوجد كاويني لا صرت اشيل هموم صدرك وآهاتك