ماني مصدق ان قلبك خانني .. لا جت على بالي ولا توقعتها يمكنها صحوه من الله جاتني .. وأشوفها بالفعل جت في وقتها جربت نسيانك وربي عانني .. لين استراحت نفسي اللي اوجعتها ...وما دامك اخترت الفراق ودامني .. لك حافظ عشرتك ولا خنتها اقول ع اللي يصيبك اللي صابني .. وتذوق من طعناتك اللي ذقتها حتى يضيمك وقتك اللي ضامني .. وتعيش نفس الحاله اللي عشتها وما اطرد ورى المقفي ولا من باعني .. لك كنت نعمه بس ما قدرتها وان فاتك قطار العمر ما فاتني .. حتى لو اشيائي الجميله خذتها المسألة أكبر كثير ان كانني .. على حسب قسوتك انا حسبتها حتى ولو شوقي لدربك جابني .. ينبيك عن حزن الأماكن صمتها