من كثر عثراتي وخيبات العمر وغدر الحبيب اللي غدى ماهو حبيب ما عاد فيني حيل باقي أو صبر ...وحالات حزني فيني تودي وتجيب تلعب بي الأهات واحساس القهر من قسوة الإحباط والحال الصعيب من قال بالدنيا بشر توفي لبشر واللي تحبه فيه ظنك ما يخيب لا والله إلا الغدر يتلاه الغدر والحب كذبه بين شك وبين ريب واللي تحبه ليش يطعن في الظهر ترى أصعب الغدرات لا جت من قريب صار الوفا نادر وغلطاتي عبر والعمر في طوله وفي قصره كئيب ما عاد افكر في حبيب ولا انتظر مثل الغريب اللي مفارق له غريب والليل هذا لا نجوم ولا قمر واشيائي الحلوه عن عيوني تغيب لا حولي المينا وأنا وسط البحر وفي زحمة الأحزان قلبي مستصيب عزاه يا عزاه يا خيبة عمر عزاه يا قلبٍ غدى ماله حبيب من كثر عثراتي وخيبات العمر وغدر الحبيب اللي غدى ماهو حبيب