الحزن لو به خير ما بَيّتك زام ...ليتك تناظر تحت جفنك سواده والله لو بيدي تصاريف الأيام لـ أعيشك عمر الهنا و السعاده حرام مثلك ف العمر يوم ينظام و حرام مثلك تعتريه النكادة حط السهر ف عيوني دخيلك و نام حمدان كله لجل عينك وساده لا تحرق أعصابك على الغثّ ما دام إنت الذي ترقص لشوفه بلاده و إنت طيور الحب تعزف لك أنغام و إنت جمال الكون شلته قلاده غلاك يكبر بي من العام للعام يحلى على قرب الزمن و إبتعاده و إن كان باقي ف عالم الحب خدام خادمك يديها فروض السياده غلاك في قلبي كسيته ب الإحرام أتنفس ب صبحه حياه و إراده عيشتني بدنيا المحبه و الأحلام و باعيشك عمر الفرح و السعاده