لاشفتني ضايق و اهلي الدمع و ابكي باقتناع لا تحزنك عيني ولا تشره على دمعاتها.. ...انا فقط حبيت ادربها على يوم الوداع احبابنا قاسيين و الايام هي عاداتها مهما جلسنا نضحك و ناخذ من الحب المتاع لا بد لحظات المفارق ترتشف كاساتها حتى لو اكذب و اتوهم حبنا هم و خداع الدمعه اللي في عيني تعكس معاناتها حتى خفوقه لو يقول انه على بعدك شجاع ساعه فراقك مستحيل ان يحتمل لحظاتها كلما نظرت لرمش عينك جيت لامرك بانصياع تقول كن الجاذبية في هدبك اثباتها بشبع عيوني من عيونك شوف قدر المستطاع عل وعساها تكتفي بالشوق من لذاتها من قبل اعرفك كان شعري من ضياع لضياع و الحين يمشي بس لعيونك عله مرضاتها لو ما ذكرتك في قصيدي صار شعري في صراع دفاتري تبغيك تتواجد على صفحاتها .