سادة ورا سادة وجيل بعد جيل .. نور على نور على كل حزه هرج النمايم مايهز الحلاحيل .. ولا الردي يا خوك كلش يهزه عبدالله هو عاش الاصيل ابن الاصيل .. إمامنآ الي طاعة الله حرزه ...على كثر مامر عيني رجاجيل .. لهم النعم مير انت خذت المعزه ايه انت يا طهر الثناء و التباجيل .. يا منجد الوضع الصعيب و محزه يلي عدوك له مع الله تهاويل .. خازن جهنم في جهنم يدزه حنا لشرع الله سيوف المصاقيل .. ننسل لدروب الشرف و المعزه حنا سمينأ فوق كل التباجيل .. حنا لبسنآ المجد تاجن و بزه يا بلادنا يا زعفران الفناجيل .. راس العدو من دون حدك نجزه جمالنا حادي قلوب الجماميل .. و خيالنا فوق الهبايب ملزه ياما على الميعاد يوم التهاويل .. جينا ننتسابق و المنايا تنزه فرة معجيلـ(ن) و كرت مقابيل .. خاب العدو الي علينآ يوزه جيناه مثل البرق و الخيل و السيل .. كم راس قومآ فوق قومآ نرزه يا اهل الفتن و اهل الدجل و الاباطيل .. وجيهكم من الردى مشمئزه و ايمـآننا بالله فوق التأويل .. و قرآننا مبدآ حياتن و عزه حنا متى ماجن ليل و سجى ليل .. ندلكم درب الشرف و المعزة