ابعد بعيد وخل ماك بسحابك .. الله ياني منك بالحيل مقهور ان جيتني ماني بقايل هلابك .. وان عاد جيتك لا تسميني منصور ...اهديت لك وردي وتهدي حرابك .. تعطيني الظما وانا اعطيك النور قفلت بابي قبل ما تصك بابك .. انا ما حب انا اللي دايم يلف ويدور وفاي ما جابك ولا الطيب جابك .. مدري على وشهو معقد ومغرور ان كان غرك يوم كثروا صحابك .. اسأل وتلقالي من الناس جمهور ان قلت مهما قلت محدن درابك .. انساك في لحظه وتذكروني اشهور خلك على دربك وصدقك سرابك .. ما دمت ما تفهم ولا تسمع الشور