مساء الخير يا باب الغلا والشوق والترحاب ومساء الشعر يا كل القصيد اللي على بابه تعطر بك هوا لندن نسايم جوها الخلاب ...يا بابٍ كل من مرك محبه تعطر ثيابه انا جيتك غلا كلي صور بالذاكره تنساب يا بحر الجود وابيات الشعر لرضاك سكابه انا اتفدى حروف اسمك وانا كلي غلا واعجاب یا اول حرف من اسمك واخر حرف يتشابه انا جيتك من الدنيا وبعيني دمعتين عتاب قفلك الوقت يا بابٍ بعد ما راحوا اصحابه انا اذكر كانت الدنيا يميل الزهر للعناب وانا اذكر كانت الورده عشق من تحضن ترابه تشابه يوم ميلادي وعنوانك يا ذاك الباب يدله كل من يضمى شرب من جود سحابه وانا جيتك مثل غيري وخانت وقفتي الاعصاب نزل دمعي على الماضي ونزل دمعي على عتابه اريد اكتب من شعوري قصايد تذهل الالباب شعورٍ يسكن بقلبي محال بيوم يتشابه لاني اكتب احساسي ولا ادور ثنا واعجاب واحاسيسي اترجمها وكل بيت انا اولى به انا ما ادور الشهره ولا ادور على الاسباب انا الشهره تدورني وكلامي تحسب حسابه وانا ما اخلد الدنيا وتاليها قبر وتراب ترى الاعمال مكتوبه وكلٍ بايده كتابه