الله عطاني دون كل المزايين بنتٍ حلاوة زينها سرمديّه أضمّها في القلب وارخص لها العين ...جعل الليالي في غلاها مِديّه هي وَحْدها بين الملا شيخة الزين ما للعذارى عقبها جاذبيّه حلّت بوسط القلب بين الشرايين لين استوت قِصّه وصارت قضيّه من عينها النظره تساوي ملايين وانسى بضحكتها الحياه الشقيّه لو تاه دربي في (جميرا) العناوين وْلو ضاع قلبي هي تردّه عليّه لى جيت أقلّب في هدايا المحبّين أحتار شو باهدي لأغلى هديّه وان جيت اباهديها من الشِعْر بيتين أحسّها.. اكثر فتنه وْشاعريّه كم شافت عيوني من الناس حلوين لكن وربّي.. ما مِثلْها بنيّه هالبنت فيها سِر.. حيّرني سنين لا بدّ أعَرفه.. والمحبّه مديّه