شافوني زوّالي ما عنديش المال يضويوعالبرّاني الي عندو المال لا محبّة لا صواري يحبّو المتريال ...الأورو و الدولار و حڨرتو الرجّال شربت الويسكي ساك ولا إسمي جوني يمين و يسار نتّكى و عقلي موش هوني زوّالي و رجّال معملتش الدّوني و المحبّة و الفراق يحكم فيهم الموني هاذي بلاد السّراقة الكلاب يعظّوني كان جيت مالفلّاقة ياو نجبد مقروني و ماني مشتاق نشم يديّا يشبعوني و الصّاحب إلي خاواك لحّاس و ضبعوني كان معبّي بحذاك و فارغ هجروني كي ضاق عليك الخناق ما هزّو على تليفوني هاذي بلاد النّفاق نمسكي غادي و هوني مشاولك بهواك و في لخّر غدروني قلـــــــوب كحلة حشـــــاك قليل إلي حبّوني قليل إلي شراك كثرو كان إلّي باعوني و الدّنيا تكتاكة زوّالي تركوني خلات الرّجال هكّـــاكة و عطات للزّكموني شافوني زوّالي ما عنديش المال يضويوعالبرّاني الي عندو المال لا محبّة لا صواري يحبّو المتريال الأورو و الدولار و حڨرتو الرجّال أش نحكي يا عشيري سربي سربي كريرو حومة تيري فيري نهاري كي غيرو نخدم نهار و ليلي زوالي عالزيرو لحم كتافو من خيري إلي قاعد فالبيرو نتكيف في دزيري ديمة معلّق زيرو فالحومة المزيري ما عنّاش نطيرو قصّــو جناح الطّيري و الغربان يطيرو في بلاد التلّّـــــــلّيري سلّكها إلّي شاد بنديرو يا دمعة ما تسيلي ربّي يعطي خيرو مون أمور ما شيري قلقت شوفي غيرو شامت فيّا غيري رقّاص و حقيرو اليوم إنت تحقيري غدوة أنا نحقيرو كلبوني قصيري و العظام نرميلو فيفي عبدو ميلي مع الأرياح تميلو و مالهم يا حليلي و من ربّي يا ويلو و إلي ضيّق سفيلي أنا نضيّق سيفيلو شافوني زوّالي ما عنديش المال يضويوعالبرّاني الي عندو المال لا محبّة لا صواري يحبّو المتريال الأورو و الدولار و حڨرتو الرجّال طابع في باسبوري و ضربة كازينو ولاّ حرقة في بابوري و نريسكي في تورينو القعدة خمّوري زيد سربيني جوينو خمسة و حوتة بوري وقرن غزال في عينو بلادي طرطوري حاكم جازق بدينو أه يا تونس دوري خلّي نجيب بامبينو إلي سارقلي فطوري طابع صلاة على جبينو هاني مسجّــــــل حضوري و المستقبل وينو يبيّتها في شان يصبّحها في شان هو عظيم الشّان وحدو يعطي لمان المال ذهب الشّيرة خلّى النّاس في حيرة رجال و نسوان على الدّينار تدوان شافوني زوّالي ما عنديش المال يضويو عالبرّاني الي عندو المال لا محبّة لا صواري يحبّو المتريال الأورو و الدولار و حڨرتو الرجّال