قلبي هذا ما بقي مخلوق ما هازه كم فاتن صد بي عنها ما يبغيها يجهل دروب الغرام ويجهل الغازة ...ولا يعرف الجروح إلا بطاريها قلبي هذا ما بقي مخلوق ما هازه كم فاتن صد بي عنها ما يبغيها يجهل دروب الغرام ويجهل الغازة ولا يعرف الجروح إلا بطاريها لين الصدف جابت اللي حسنه إمتازه وليالي العيد تعرف من عصاريها يا اللي جبينك يشع وفيك غمازة إحفظ معاني حروف إسمك وعطنيها لا تترك اللي عسف لك قلبه وجازه وحاول تداوي جروح عنك مخفيها ترى قلوب البشر للحب معتازة وإن غاب مثلك بيوقف نبضها فيها أنت جمالك هذا ما غير في كازة وفي طنجة وفي الديار اللي حواليها أحلى من الزين كله وأفخم طرازه سبحان ربٍّ بكثر الحسن مطغيها أسلوبها يجتمع به جد وطنازه الله (الله محلن سوالفها وحاليها) والجسم كان الردايف عنه منحازة وأدنى شعرها تخثع فيه رجليها عنقا قوامٍ جميع الوصف تجتازه ما فيه بنت تبى تشره تماريها تشبه لشقراً بوسط الخيل فوازه ضار على كسبت الناموس راعيها سبوق وإن جات في الميدان لزازة تفهق جميع المهار اللي تجاريها يا بنت قوم على الأمجاد حوازة شيخان في حاضر الدنيا وماضيها جدك يروح الشجيع بفعله جنازة وعينيك تسوا سواه اللي يسويها وعينيك تسوا سواه اللي يسويها