يا نجوم الليل بنتي للمسافر واختفت اصوات وانوار المدينه يا ليالي كنها كحل المحاجر ...خلفها صمت المشاعر تحبسينه وش يسوي من تولته الخساير والخساره سبة مفارق يدينه آه يا بعد المسافه كيف صابر شخص غادر عن حياته مبعدينه والشتا عيا يبرد قلب فاير من فراق الروح يا ربي تعينه والهوى جاه النوى والفكر حاير واختلط قطر المطر باللي في عينه في سكون الليل والهوجس داير تطري اللحظات وأغلبها حزينه بعد ما كان الدفى عالصدر صاير صارت اليسرى تدفي له يمينه غبت عنه والحقيقه كان حاضر في خيالي والغلا يلمس حنينه كنت اظن اني على النسيان قادر واكتشفت اني مع الماضي رهينه اتنفس عطر انفاسه واناظر في عيونه يوم لامسني جبينه واتأمل في جمال الورد ظاهر من بياض الثلج كنها ياسمينه فاح طيبٍ من جديل الزين طاير وابتدت في داخل احساسي سكينه واسمع اللي دقته دقة بشاير من سجين يعشق اللي ساجنينه اتذكر كيف صدقك في المشاعر كان واضح في كلام تنطقينه حركت فيني وفي الاحساس شاعر كل أبياته عن اللي تعرفينه ادري اني كنت احلم بس اكابر وادري ان الشعر مني تعشقينه كل ليلٍ في قفاه الصبح ظاهر ينقض حبال الفكر لو هي متينه في نهاية رحلتي شفت العماير تعلن وصول المسافر للمدينه في نهاية رحلتي شفت العماير تعلن وصول المسافر للمدينه