انا رقم واحد ما بين المحبين وبعدي بعشر خانات حطو اللي تبغون وافي ومخلص ما انخلق مثلي اثنين ...والا البقيه يوم ثاني ويملون اللي احبه يسكن القلب والعين ما عاد ابي غيره وغيره يولون اشتاقله لو غاب عني شويتين والكون يظلم كن ما عندي عيون الحب له من يوم شفته إلى الحين والعشق له واصل إلى حد الجنون ما ابدله لو خيروني بملايين في عيني اغلى كثير من مال قارون نذراً عطيته دامنا اليوم حيين ما افارقه وما انساه ما اكذب ولا اخون يزيد حبه كل ما نكبر سنين ما يوم ينقص لا ولا يوم بيهون يزعل علي وارضيه ماقول بعدين مو مثل باقي الناس عادي يزعلون اجيه بيته ماشي الدرب ٢٠٠٠ يرضى علي ما همني الناس يرضون يآمر وانا وقلبي عشانه ملبين حتى على روحي أبد حاضر يمون ببقى رقم واحد مابين المحبين ما ظن يجي مثلي أبد لا تحلمون