أستهيم بوحدتي في ساعة ان الليل بادي منك يا ذاك القبال ...اتعبني الصدر بحنينه صرت للعزله اميل وصرت في وضع انحيادي بين تشتيت المشاعر واختلافات السكينه مطلبي واعظم طموحي منك يا غاية مرادي ساعةً فيها اشوفك وادري اوقاتك ثمينه دام حبك وسط صدري يا حبيبي بازديادي وصار بيّن في عيوني والاوادم عارفينه المحبه يا حبيبي ما تبي وضع التمادي من يبين لك غلاه اشبك يدينك في يدينه انت لو شفت الغياب المر عندك شي عادي يشهد الله انها ايامٍ طويلات وحزينه انت وحدك لي طمئنينه واشوف انك بلادي وانت صدري لك بلاداً ما تناسا ساكنينه مارضيت اعيش بُعدك حتى لو ترضى ابتعادي كيف بارضى بابتعادك والغلا حباله متينه ودي اعيشك عمر واشوف زولك يا ضمادي أنت في قربك نعيم وفرحة العمر وسنينه فيك يا كثر الجمال وفيك يا طيب المبادي ما ألوم ولا تلوم القلب لا حطك ضنينه والله ان مالك شبيه بنظرتي حسب اعتقادي جل من صوّر جمالك مع مزاياك الحسينه معظم احساسي يهيم بصورتك مع كل وادي لا تخليني وانا اللي طحت في حبك رهينه