حاولت ما أكتب غزل وأبعد عن الساحة وأرشف ملفات شعري لايشيلونه مار هجرتني وقلبي زادت اجراحه ...لين انكشف سر صدرٍ باح مكنونه ولاحيت ورق الحمام مجاوبٍ ناحه لعيونها بالقصيد اللي توحونه عنقاً خذت كل زين البيض وامداحه وتربعت فوق عرشه ووقفت دونه من روس قومً بفعل الطيب رجاحه تاريخهم مع روات المجد يروونـه يوم الطمع فالعشاير والنذر صاحه كم راس شيخٍ من اجل البل يقصونه ياشبه صفراً لقذلتها تمياحه في ناصيتها عقود الخير مقرونه من مربط اللي لكوم الحيل ذباحه ولطماتهم في وجيه اللي يعادونه وياعين حرٍ ماجابه شوف ملواحه في مرقبن عسر مرقى مايعدونه وياعنق ريمٍ بعد ماشاف له ضاحه لدّ النظر خايف من اللي يصيدونه لاضاع عقدك على اللبه ومسباحه تلمّسي له على اللبه وتلقونه وميلي ابمجدولك اللـي كن طياحه صفت سلوك الحرير اللي شقر لونه وليا انثنى عودك اثني عودك براحه وخلي نحيلك وثقلك فيه موزونه لاتكسر دقاقــه اللـي عنك نزاحه وداريه مثل الصغير الي يدارونه واخذي وسام القصيد العذب ووشاحه من شاعرٍ مايلد لغيرك عيونه قصايده عن قصيد الغير شواحه ماهيب مثل القصيد اللي يغنونه