قطعت الرجاء من يوم، برق الموادع لاح غدت كل حاجة ما تبكي تبكيني عطاني علومه كل أبوها ورحت وراح ...ولا طحت من عينه ولا طاح من عيني قطعت الرجاء من يوم برق الموادع لاح غدت كل حاجة ما تبكي تبكيني على اللي برا حالي غيابه وسدي باح أكابر وأزيف ضحكتي والبلا فيني طواريه تاخذ بي مع سيرته مشواح وعلى شوفته وحكاه ما عاد يمديني عطاني علومه كل أبوها ورحت وراح ولا طحت من عينه ولا طاح من عيني يا ليته جرحني قبل يقفي عشان أرتاح ولا قال عند موادعه لا تخليني لكنها ظروف محكمة والظروف شحاح مصير القدر يرضيه قدام يرضيني بقى له معي صورة عن البال ما تنزاح حفظها غلاه اللي جرى مع شرايني لا أحد ينشد عيوني من الدمع لا من طاح عليه الدموع الذارفة ما تماليني مادامه يعيش بخير وإن خاطر منساح فأنا راحتي من راحته يا محاكيني أدور على السجة وأسولف مع المزاح وأنا فيني اللي من فراقه مكفيني