العيد بوجودك يزين تعال ومن العايدين انا انتظرتك من سنين ...وين انت ياصاف الجبين العيد ما أسميه عيد دامك كذا عني بعيد في غيبتك ماني سعيد والحزن من فقدك يزيد انت الدوا وانت الحبيب وانت الغلا وانت النصيب يا جعل نورك ما يغيب في طلتك نور وسرور لك تنحي كل الزهور والنور بك يزداد نور يا بهجتي بدر البدور في ناظري مالك شبيه يا صاحب العقل النبيه غيرك ترا والله ما ابيه لو مرني ما الد فيه مشتاق لك والشوق مر وأقوى علي من الجمر حبك غمر قلبي غمر مثل المطر يوم انهمر فالجهر والا فالخفا واللي حصل منك كفا ماشفت منك إلا الجفا لكن رغم الل حصل حبك وصل قلبي وصل والعين لك فيها محل باقي بشوفك لي أمل تعال يا حبي تعال مادام فالدعوى مجال لاتقطع حبال الوصال ترا فراقك حيل طال فرصة ثمينة لا تروح نتعانق وننسى الجروح ونشيد أبراج وصروح ما عاد غير الروح روح تراك عيدي والحياه يا بهجة القلب ومناة معاك في كل اتجاه حبيب ما دور سواه باقي لك الحب الكثير مهما حصل قلبي كبير لعيونك احث المسير وياك كل الوقت غير