العام الأخير حمل تقلبات كثيرة بالمجال الرقمي وبالعملات أكثر وأكثر .. شهدنا موافقة العديد من الهيئات التنظيمية على إطلاق صناديق استثمار متداولة للبيتكوين .. الأشهر الأخيرة حملت تحركات عالمية لتنظيم سوق العملات الرقمية ، حتى ع مستوى الدول والحكومات .. اندماج تقنيات الذكاء الاصطناعي مع تقنية البلوكشين بس عمالها تزيد .. أكثر شراكات صارت علنية ما بين الشركات التقليدية والمشاريع الرقمية .. وكيف لا - فوز دونالد ترامب وشريكه ايلون ماسك بالانتخابات الأمريكية اللي أحيت المجال زي الطفل اللي بقفز من الفرحة بعد ما جاب جوول ..
بهذا العدد من صوت التك، راح نرجع نخوض في خبايا سوق العملات المشفرة .. نفهم التجديدات .. المحاذير بعد كل خراريف الاحتيال والهبوط والارتفاع للعملات .. وشوية معطيات عن اللي بستنانا في المستقبل القريب.
المحفظة على جنب .. لأن حاولنا نقلل بالأرقام والمبالغ لما يصيبني وإياكم دوار .. ع الأقل بنحاول، لأن المعطيات رهيبة .. وهل عرفتوا أي دولة ربع سكانها متداولين للعملات الرقمية؟
استمعوا للحوار الذي يستضيف من خلاله المدوّن التقني أنس أبو دعابس، ضيف الحلقة عنان جرايسي - مهندس، متداول ومستثمر في عالم العملات الرقمية، مدير ومؤسس كريبجو، خبرة سنوات عديدة في مجال الكريبتو، حاصل على شهادات في مجال الاستثمار من أكاديميات عالمية.
============
لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.
لملاحظاتك واقتراحاتكم: anas.dabes@gmail.com
أو عبر قناة التليجرام الخاصة: https://t.me/sowteltech
صوت التك، بودكاست تقني من انتاج “راديو الناس”، الناصرة