شركة اينتل غنية عن التعريف .. أكبر مشغّل بالسوق الاسرائيلي مع قرابة 12 ألف موظف .. مسؤولة عن 6 ٪ من التصدير في الهايتك - وحدها .. وهذا الديناصور العملاق الحائز على دعم حكومي غير مسبوق .. بتعرض لانتكاسة غير مسبوقة .. الشركة تخسر أكثر من نصف قيمتها السوقية .. بمقابل المنافسين اللي طايرين بالمبيعات .. لدرجة أن انفيديا تصير 30 ضعف اينتل. والحبل ع الجرار ..
بهذا العدد من صوت التك حابين نغوص وإياكم في أعماق الرقائق الالكترونية .. الحروب الدولية حولها، علاقتها بالبيانات اللي يتم تخزينها عنا .. عن كم التبعات اللي لها ع حاضرنا ومستقبلنا التقني .. وحتى استهلاكها للطاقة وكيف صار هذا هو النفط الجديد ..
مع ضيف من لُب الصناعة .. مع عشرات السنوات من الخبرة بالتعامل ما بين المستخدم للمصمم للمصنع في تايوان .. راح نحكي ونفهم أي قدر من الدقة يحتاج ليكون هذا العالم التقني مستمر في التطور .. وبالمقال..؟ سقوط لامبراطورية مثل اينتل العالمية .. ويمكن لحتى ما نصعّبها أكثر على مئات من مجتمعنا اللي عملوا في إطار هذه الشركة .. نحكي عنه تراجع..
اللي بالاضافة لتسريح موظفين - تصل لحد تعلن فيه الشركة أنها تمنع القهوة في مطبخ الموظفين، ليصير فنجان الاسبريسو والشاي بدولار ونص.
حلقة فيها العديد من المصطلحات المهنية، يمكن مش كلها نفهمها .. لكن حتى لو سمعتم أسماء لنوعيات الشرائح والرقائق .. ممكن تسجلوها ع جنب وتفحصوا، أو تستمتعوا للقصص بالقادمة.
استمعوا للحوار الذي يستضيف من خلاله المدوّن التقني أنس أبو دعابس، ضيف الحلقة د. حاتم يزبك - حاصل على الدكتوراة في علوم الحاسوب, وذو خبرة اكثر من 30 عام في المجال في البلاد والخارج.
Senior director مدير أول في مجموعة Broadcom Communication & Switching Group، عمل حاتم سابقًا في مجموعة معالجات Intel والعديد من الشركات بمجال تصميم الرقائق، ينشط في العديد من المشاريع الريادية والمجتمعية لدعم الهايتك بالمجتمع العربي - حاسوب، قدرة، تسوفن.
============
لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.
لملاحظاتك واقتراحاتكم: anas.dabes@gmail.com
أو عبر قناة التليجرام الخاصة: https://t.me/sowteltech
صوت التك، بودكاست تقني من انتاج “راديو الناس”، الناصرة