ظنيت بك خيرا وظني ماصدق بعض الاماني ليه نتمناها شبيت شمعه لين ما كلي احترق ...يا هالبشر ما تعتبر باخطاها طوق النجا ما ينفعك عقب الغرق قدها وزت وانت الذي وزاها رسمت ليلي هم و لونته ارق عجزت اوصل فرحتي و ارقاها لو الامل لاح بسما حظي برق تضيع هقواتي ولا القاها اثما وقهرا خذت باللي ما استحق ما ارضى زعلك و دمعتي ترضاها لاخذت باطل منك انا لا خذت حق اول معاناتي جهلت اقصاها صوت لك يا لين ما صوتي اختنق اصرخ و صرخاتي يرد اصداها شق الحزن صدري و لا حن و عتق بحتك وف اخرتي عسى القاها اقسى حجر من حر مافيني نطق اسال الهٰي حالتي يبراها اني على ما قيل عمري انسرق لحظة وداعي شفني اتحراها يا شين حظي ليه مع مثلك وفق ليت بايديني صفحتي واقراها استغفرك يارب من كل ما سبق تبتك و نفسي انا بنهاها ثاري حياتي كلها حبر ورق ل لله در بو سارة لا غناها