قلبي ف عين الجوىَ ياللي ماعدتش هنا لامعة عليك عيني نِفسي أشوفك يوم يرجع زماني اللي كان أزرع كفوفي الحنان ...والنَبت من زيني قلبي ف طول البعاد بخلان عليه خِلي ياللي غويت العناد ارحم شباب سني لا عارف ف بعدك أنام والليل مونسني سهران ليالي طوال ولا شئ بيبسِمني لحبايبي مديت العَرَق والإيد ما لقيت لخاطري مُجيب والله انكسر خاطري ارجع عشان خاطري حاصبر وانول صبري حاصبح وتصبَح لي تصبَح ليالي الكروم ترجع تزَّهر لي والشامة على خدَك ف البدر تظهر لي يارب آه م الهوى وريني فين خِلي نور لي يومي وطريقي واشفيني من ضَري يارب آه م الدوا مر ومراره يفيد بكفاية أهل الهوى في الغُلب زادوا جديد زاهد وعمره انسلى والحب راس ماله أصل آمال الهوى ف الوصل باقية له وقصاد كروم الهنى العُمر تَمنه زهيد