والشعر ديوان ماضي عربنا والأداه ألتي كانت توضح لنا عاداتها ...دايمٍ من يكتبه إيتمنّى من قراه التبحّر في القصيدة عبر كلماتها بس انا ما قلته اطمع لشهره من وراه قلته أداوي جروح البشر واهاتها كيف يطمح فيه واحد ذِكِر جَدّه واباه إصنعت مكانته من عظم وقفاتها ليس مثلي من قصيدة ترفع مستواه لو من المرجان واللولو صغت أبياتها كم صغير(ن) في العمر وصل للعالم نباه وصادم بهامته ناس لها هاماتها بالمكارم تسمع اسمه من أفواه الرواه وغيره اسمه حسب دخل عقاراتها لو عمينا العين و اشلون نكتم كل فاه والعرب أكثر ما فيها عدد رواتها والربيع اللي تناسلى ربيعه وش بلاه غرته دنياه يوم كثرت لذاتها للصديق إمن الصديق يتحمله خطاه والأصدقاء مع بعضها حسب نياتها وابن آدم كل واحد حسب ما الله عطاه سيئآت الناس ماهي مثل حسناتها والدول مع بعضها لو يصير اشتباه بتقدم مصلحتها على أزماتها كم نصحته والنصيحة من المسلم لأخآه وقلت له يا خلها معك وإلا هاتها وأنت بعت الود والود ومن باعه شرآه وأعرف مشاعر الناس من نظراتها السؤال اللي يراودني على كل اتجاه عند مثلك سلعة الطيب كم دفعاتها لا تحسب ان كل جافي بكت عيني جفاه لي مقاماتي وللناس مقاماتها شخص لا من غاب بعده يشتت الإنتباه وشخص لا من غاب بنفسك تحس بذاتها ناس نبكيها لو أنها على قيد الحياة وناس ما يأثر علينا خبر وفاتها