ذكرتك وإنطفى وجه السعادة وسالت الدمعه وعلى كثر البشر حولي أحس بشي ناقصني تمر رياح ذكرانا .. وتطفي بدربي الشمعه ...ورغم تقصيرك إلا إنّه عليك القلب قارصني أمانه لو ملاك الهم هاته صدري يتسعه أداري قلبك وكنّي .. عليك الله محرّصني وأنا ومن رداة الحال ،، وبين الركعه والركعه أدعي ربّي كل ليله !! من حبّك يخلصني بعيد بـ عزلتي وحدي تركت الناس والجمعه تمر الايام ما اثقلها و شيء من عمري ينقصني بديت بطعنه بظهري !! وبدت تتوسع الرقعه بديت تغيب دون اسباب ودون اسباب ترخصني انا مدري جمعنا الحب أو إنه خدعه بخدعه طلعت أجهلك رغم إنك أكثر شخص باخصني انا ماجيتك أطلب شيء !! إلا القلب لي رجعه مادامك مكتفي بغيري ، هات القلب وخلصني