قال من هو مات في حب الغزال بين عنق امذيّر ووجهً وسيم ... ان وصفته وصف شابه للخيال قالو العالم ترا وصفك قديم ياشبيه الريم يالب الجمال زين طبع وزين خلق وراس مال في وصوفك كل رجالً يهيم صاحبً شوفه على اوجار الوصال اسعد بشوفه وهو عندي نديم اشرب الفنجال من صدر الدلال واقدع امن الوصل واضد الخصيم دولةً عظمى ولافيها احتلال دام حبه في معاليقي مقيم ركزة اعلامه على روس الجبال واحتوته اضلاع صدري والصميم والله ان اشد من حب الرجال حب ترفات الصبايا والحريم ليتك امن الحال ولا لي حلال والله ان حالي على بعدك سقيم الرياض ان جيت له من ضيق بال ابتلش بين العليا والنسيم وان بغيت اقول مافيها ظلال تكثر الزوار ويفر الغشيم ياوليفي كان ماعندي مجال منشغل فٰــ ظروف والله العظيم حط لي الاعذار في كل احتمال دامني واضح ودربي مستقيم