تفتش ليك حروفنا الجاية يوم بكرة ...عشمنا الفي صدى الذكرى وعمق الخاطر الفينا بين الحرف والفكرة وبكرة الفينا مشتاقة وعليها دروبنا ساساقة تفتش ليك تنادي عليك وترحل ليك دموع طفلة وناس جواك مزارعية يفتش ليك وينادي عليك ويرحل ليك غصن اخضر تقوقي عليهو قمرية تفتش ليك تنادي عليك وترحل ليك بشارة فال حروف تتقال يفتش ليك ينادي عليك ويرحل ليك نغم وتراً يرجع لينا راحلنا يخضر فينا ماحلنا ويحفر فيك ملامحنا طبل الغابة ما نحن نغيم ربابة ما نحن وتمرة نخلة ما نحن وغنوة حنينة نيلية