ياللي ذبحك الغلا والشوق حراقي .. لاتكتم الشوق فضفض به وعلمني .. من الطبيعي اتلعثم لحظه فراقي .. ...لان الهجر قبل مايلعثمك لعثمني .. بعطيك قلبي ودور داخل اشواقي .. يمكن تشوف الغلا وشلون ذابحني .. اموت في ضحكتك واسلوبك الراقي .. جمالك اللي مجنن كوم جنني .. ما كل انسان يقدر يسكن اعماقي .. إلا انت من يوم شفتك وانت تسكني .. أعطيتك الحب والاحساس والباقي .. اللهفه اللي على لقياك تسبقني .. بذوقك من حلاي وطعمت ارياقي .. وبعلمك كيف تكرهني وتعشقني .. ياجامع الليل في وجهك والاشراقي .. تناقضاتك ياللي فيك تعجبني .. ذوقك في عيني يساوي كل الاذواقي .. وغلاك عن وصل غيرك صار يمنعني .. والحب في عيون عشاقك وعشاقي .. شعور اشوفه يراودك ويراودني