"سامح الله" قلتها لك وكل واحد له مصير ولا انا ماني مسامح وماني اللي تَعْرِفَه ...جاي آسف منت عارف لو يصير اللي يصير ما يرد قلبي لقلبك بعدما منك شفى ناسي كيف اني عشانك لو تبي ممكن اطير؟ وممكن اصبح شخص ينسج من خياناتك وفا ما اشوف الا بعيونك ما دريت انك ضرير تضحك بوجهي ولا ادري تطعن بغدرك قفا حبي الاعمى خذاني و سَيَّدَك فيني أمير كنت فَـيّك في جهنم وكنت في بردك دفى نمت فوق الشوك لجلك وانتَ تغفى بالحرير ياما من وصلي هديتك وانت تهديني الجفا ظنك اغفر كل هذا لخاطر الدمع الغفير؟ عمري اللي ضاع بيدك وانكساري ما كفى؟ انت آسف .. واعتذارك ما قبلته من الأخير انا آسف يا سنيني .. بالنهاية المؤسفة