يا مشاعر عاشت الرّوح بْـ أمانه يا ضيا أمسٍ يعاني مـن فتيله ...يا جنونٍ جَـنّـن العقل اتّزانه يا شموخٍ عَزّت الخطوه ذليله كـم عطيتك و العطا قبلك مهانه و شف عيوني عن عطا غيرك بخيله قلبي اللّي لـو تجرّد من حنانه يقسى لكن عند قلبك ما يبي له انت من أصحى من فْراشي عشانه و انت من أسهر عشانه كلّ ليله كنت واحد ما تحرّك من مكانه صـرت واحد بيدك تحطّ و تشيله بَعْد حُبّك ما بقى للغير خانه كلْ كثيري صار في حقّك قليله بك زمان الصّمت قد وَلّى زمانه من كتبتك حرف ما يشفي غليله هذاحُبّي ان طغى أطلَق عَنانه و الأماني ما تجي لك مُستحيله كنت حلمٍ و التقى بَأرضي كيانه و صرت غايه ما تبررّها وسيله