ابتدا ليلي وسراني ظلامه دام عيني من منامي مستخيره ...للحزن والهم والضيقه علامه دمعة في محجر عيوني محيره الحبيب اللي يداويني كلامه شب له في خاطري نار سعيره يا غرامي حبك اللي دار عامه حافظه حفظ المهادي مع قصيره والله انك منوة القلب وغرامه الغياب المرّ دور شي غيره ما حصل لي من بعد هجرك سلامه ويل قلب مارحم خاطر عشيره بس ابي منك الفتاته وابتسامه قبل تصمل فالغياب وتستثيره انت في عيني من اصحاب الفخامه والعيون اللي ماتنظر بك ضريره لاتعلقني على باب الندامه والله ان الوصل للمحبوب خيره ويل قلبي لاسمع نوح الحمامه في غيابك بين هم وبين حيره المحبه والكرامه والشهامه تفحص المخلوق وتحدد مصيره ودك ان الغالي ان قل اهتمامه مايجي له في عروق القلب سيره ودي اتبع خطوتك بس الكرامه عند اهلها تعتبر حاجه كبيره والله اني هامةً من راس هامه احسب حسابي ترى الدنيا قصيره وابتدا المسرى مع الليل وظلامه وانتهينا في صباح وفي سفيره وابتدا المسرى مع الليل وظلامه وانتهينا في صباح وفي سفيره