يا مرحبا يا مرحبا الساع ... يا بو عيون سود ووساع إقرب تفضل وسط قلبي ... لك في سويد القلب مرباع ...يا ريم روف بقانص الغيد ... صدته وهو لياك بيصير بالعين صوبته من بعيد ... واليوم لأمرك صار ينصاع دوبك حمد يا صاحبي روف ... إن كان بك يالزين معروف لا تتركه وعيونك تشوف ... قلبه صويب(ن) والفكر ضاع من يوم شفتك ميت فيك ... وأتخيلك وأفرح بطاريك تعال يعل الله يخليك ... القلب ليبك هام والتاع تعال ودي بس شوفتك ... تطفي لهب الأشواق بنظرتك القلب يتشره بجيتك ... ويقول لك يا مرحبا الساع