يا أهل البحرين ياخير الرعيه اشهدوا يا اهل العوايد الاوليه عمر قلب الام ماقال بحياته ...عيني هذي اخير من العين ذيه كلنا في قلبها انسان واحد نحتمي في حضنها صبح وعشيه هذي البحرين مانرضى زعلها امنا اللي نجيها بالاذيه ليه تدمع عينها واحنا سببها ليش نكسر قلبها حزن واسيه ماتشوف عيالهآ سنة وشيعة كلنا بـ عيونها صرنا سويه وش جرى في هالزمن يومـ(ن) يخلي الاخو يرفع يده في وجه خيــه قولوا كلمة لا وبصوت الجماعة للعدو اللي يبي سفك الهويــة لا تفاضل لاتنزاع لاتهاون لا تطاول لا فتن لا طائفية وارفعوا كلمة نعم فوق المنابر للآمانة للولاء وللحميـه