غنيت باسمك هلا يا معتلي قدره نورت قلب يشاطره الفكر عاني غنيتها لك و انا رجلي على جمره ...جمر المحبة ونار الشوق تصلاني بنلبي قلب يحب الطيب ما يكره للخير خيير ومع الانسان انساني من وسع باله خياله وسع بصدره حتى يضم الموده وسط شرياني يا من يريح الخفوق بشوفه وذكره لو كان ذكره يذكرها وينساني العين في غيبته من غيبته تشره من طول ساعة سهرها تشره اجفاني مليت صبري وانا صبري على هجره مل الصبر لين بكيته و بكاني رسالتي صوب لي من همنا امره العين تضمى لها والقلب ضمياني كذاب من قال بيرجعلك بعد فتره احسب غيابه شهر لو مرت ثواني البارحة قلت انا بصبر الى بكره واليوم جاني وحبيب القلب ما جاني غنيت باسمك هلا يامعتلي قدره نورت قلب يشاطره الفكر عاني غنيتها لك وانا رجلي على جمره جمر المحبة ونار الشوق تصلاني