يا أول بداية عاشها عاشقٍ صب ~ قدّر معاناتي معك في البداية نار الولع في قلوب عشاقك تشب ~ خليت منهم للخلايق حكاية ... تبت إيدين اللي يذم الغلا تب ~ عن سكة العشاق و العشق تايه لو نعصر قلوب المحبين و نصب ~ له كاس منها غيّر الشوق رايه يا زين و أهل الود بـ الود تنحب ~ غيّر من إسلوب التغطرس معاية أنا مثل غصنٍ خضر كل ما هب ~ ريح الشمالي يميل من دون غاية و أنا غلاك إلي سلب مني اللب ~ سوت لها اللهفة في قلبي دعاية و أنا جريح البعد و الجرح له طب ~ طبه وصل من كان في الحسن آية و أنا أحبك حب ما يشبهه حب ~ و أنا عاشقك عشق ما له نهاية لا ترسل رموشك على عآشقٍ صب ~ مستسلم و رافع من الشوق راية