ليش القمر ما عاد واضح كما كان لا عاد نوره في دجا الليل عنوان ...خل القمر واتخبر الشيخ منصور وين القمر من بعد ما جاك حمدان؟ منهو خطف وجه القمر وأشعل النور؟ وأطفى ضياه هالة المجد والشان زحمة على سطح القمر كيف بيبان؟ والمجد نوره يجذب عيون الإنسان خل القمر واتخبر الشيخ منصور وين القمر من بعد ما جاك حمدان؟ حمدان اسم ما يجارى حضوره يخفي القمر والشمس في ظل نوره اسم بحبره المجد كاتب زمانه به نفتخر دايم على مر الأزمان شفت القمر ليش انتهى اليوم دوره؟ وأمسى مجرد اسم باقي وصوره لأن الفخر حمدان ماخذ مكانه نجل الوفا والمجد والعز والشان قللي على منهو في داره تسمى؟ والمجد كل المجد في اخوان شما فخر العرب أهله وأهل المعاني سادة زمان وعز وأمجاد وأوطان حمدان اسم له من المجد جما واسمه ع كل حمدان فيهم تسمى بشيوخنا نفخر ويفخر زماني إن كان آل مكتوم أو آل نهيان وش أمنياتك بعد ما عرفت اسمه؟ وبعين قلبك شفت ضيه ورسمه ما دام توه مبتدي سنين عمره والعمر للفرسان ساحة وميدان أتمنى يبزع في سما المجد نجمه فيه يتحقق حلم أهله وحلمه وأتمنى من ربي يطول في عمره ويكون للأمجاد والفخر عنوان