ما في غيرك إنشغل فيه بالي لا والذي سوى عيونك وأبدع حيّاك إدخل وسط قلبي يا غالي ...ودامك في قلبي يا حبيبي تمتّع خايف أغمّض ما أشوفك قبالي والعين من إحساس هالخوف تدمع عطني همومك يا سبب إنشغالي وإنت في قلبي يا حبيبي تربّع هذه بداية حب والعشق تالي يا إللي خفوقي في غرامك تولّع مَا أهتم بغيرك ولا صرت أبالي جنّنتني والعقل بالحب مَ ينفع الحب لك في واقعي وفي خيالي وقلبي أناني فيك وبالزود يطمع لا تقول طوّلنا وتعد الليالي اللي يحب مهما عطيته مَا يشبع إن قلت اسمي قلت يا ويل حالي في صوت عالي عيد لأنّي مَا أسمع حبّيت اسمي يوم قلته يا غالي دخلت قلبي ومنّه ما راح تطلع القلب بيتك وأصلاً البيت خالي سوّه على كيفك وذوقك تمتّع اسمي، اسمي حبيبك وإنته اسمك حلالي إي والذي سوى عيونك وأبدع