برفع قضيه على الدنيا ومافيها ... واول قضيه برفعها على حالي وبشعل النار في نفسي واطفيها ... خلاص مليت والله تعبت احوالي ...انا متأكده انك ماتسويها ... انا متأكده منك ياهوا بالي نارك حبيبي اعرف شلون اطفيها .. واعرف انا شلون تهدا يابعد حالي يا فارع الطول لا يمكن اعديها ... الزله اللي تجي من الصاحب الغالي مليت ها الناس اجاملها واداريها ... كله على حساب نفسي زاد غربالي تثور دايم على الدنيا و مافيها ... وبعد دقيقه واقل شوي تصفالي العاده هذي ياليتك تخليها .. تظلم وتغلط وترجع تعتذر تالي خلاص ماني مكحلها ابعميها ... بحوسها واقبل الاول على التالي لاتقول مقدر اسويها اسويها ... تدري وانا ادري اسوي على بالي انا اترجاك كحلها لا تعميها ... لاتثور وتحرق اعصابك على الخالي سوالف الليل نهار الحب يمحيها ... باكر تجيني ويهدا موجك العالي