هلا باللي سبى قـلـبي وأخـذني حسنه بقـوّه سلـب روحي وأخذ صبري وأنفاسي من يديّـه ...أحسّ انـّه لعـب بالقـلب لعـبة شاطر وْ مـَوّه يبعـثـرني .. ويجـمعـني رجـا واحـلام ورديـّه إذا نوّر ظلام اللـيل عرفت ان الفجـر ضوّه تبسّـم من جبيـنه مبسم الصـبح وضحـك ضيّه إذا سلهـم برمشه طرت من جَـوّي إلى جوّه ورحّـب به خفوقي غصب عنـّي قال يا حَـيّـه أثاريني بحسنه طحت وانا آظن الهوى تـوّه فكـيف ان الهـوى تـوّه وانا غـرقـان في طيّـه تعـلـّـقـته وصار الـيـوم نـوّ القـلـب من نــوّه مع انـّي قـبل هـذا الـيـوم كانـت نـيـّـــتـي نيـّه قبل يطري الحسن حسنه لفظ قبل اسمه سموّه تسامت به سـنا الحسن وسرت له سحب وسميّه تقول ارفق بمن حبّـك وعقب اللي تبي سـوّه تـرى مـيـتـك إذا شـافـك تـرد الـروح به حَـيّـه حبيـبي خاطـري عن ما بـداله عـبـّر وْ نـوّه ومن شرواك يفطن وانت شمس الخاطر وفيّه إذا كان الحـيا يمنعـك .. ما تمنـعـك لمـروّه واذا خايف من الحسـّاد قـلـّي .. طاحت الحِيّه