اللي سرى ليلة الجمعة وعلى وله عز الله إن ليلة فراقه دروس وعبر الله يسهل خطى رجله ويغفر خطاه من يوم شفته وأنا داري إن عنده خبر لو ما استباح العيون اللي بكت في رجاه ما ضاق صدر الرياض وضاق صدر الخب ...خذ كل شي وعطاني خنجرٍ من جفاه توغلت في ضلوعي قفلتين وشبر هوايةٍ يستلذ بها وهو في صباه والظاهر إنها تبي تكبر معه لا كبر لو يتمثنى حنينه ضفتين القناة قامت تغني لها الأمواج يا أسمر عبر وستارة القلب يا ذوب إلتفاتة مهاه وتقدّها من قدوم وتقدّها من دبر أنا دخيلٍ على ربي وأنا في حجاه من كسرة الخاطر اللي لا انكسر ما جبر لو ما قرا إسمي بعلبة زعفرانه نساه قسّته الأيام وأخلفه الزمان الغبر لا تامن الوقت لا شفت الحفاة الرعاة يشيّدون القصور ويلبسون الوبر وإن حاصرك زول ما انكر وضامك غلاه إن ما ذكرت النعش ولاّ ذكرت القب . تدري متى تنفض يديك وتعاف الحياة لا أعطاك ربي معاناة وحرمك الصبر