ثور الدخان لبينا المنادي .. في ذرى سلمان يا خطل الأيادي من يعادينا له سيوف الهنادي .. ودام عز المملكة يا سيدي ياحرام الجو يا جيش المهابة .. قصوا راس الداب لا تخلون نابه ...يارجال الحق يا نسل الصحابة .. دام عز المملكة يا سيدي يابلادي دونك الأعمار فدوة .. للمنايا نسوقها مليون خطوة نسقي ترابك دماء الين يروى .. دام عز المملكة يا سيدي يا الخليجي وقفتك عز الجزيرة .. وقفة الحكام عز الله كبيره بيض الله وجيهكم في كل ديرة .. دام عز المملكة يا سيدي دام مقرن ساعدك يابو فهد .. ثم ولد نايف محمد خذ ولد الله اللي حافظٍ هالبلد .. ودام عز المملكة يا سيدي الكفو كحيلان قال وما تردد .. هو ولد سلمان عز الله محمد قايد الشجعان يالسيف المهند .. دام عز المملكة يا سيدي نفدي تراب الوطن حد المنية .. نرفع اسم بلادنا لحد الثريا من تعزوى في هل العوجا تفيا .. ودام عز المملكة يا سيدي بيرق التوحيد في العليا نرزه .. تحت راية سيدي سلمان عزة نشرب الفنجال مجد ومانهزه .. دام عز المملكة يا سيدي